උතුරු පළාත් පාසල් සඳහා අධ්යාපන අමාත්යාංශය හරහා ලබා දෙන විදුලි බිල්පත් ප්රතිපාදන ප්රමාණවත් නොවන බව දැනුම් දී ඇති බැවින්, පාසල්වල අවශ්යතාවන් සැලකිල්ලට ගනිමින් එම මුදල ලබන වසරේ සිට වැඩි කිරීම පිළිබඳව සාධනීය ලෙස පරිශීලනය කරනු ලබන බව උතුරු පළාත් ගරු ආණ්ඩුකාර නා. වේදනායගම් මහතා පැවසීය.
කිලිනොච්චි දිස්ත්රික්කයේ 2026 වසරේ තෙවන කාර්තුව සඳහා වන දිස්ත්රික් සම්බන්ධීකරණ කමිටු රැස්වීම 2026.09.04 සිකුරාදා පෙරවරුවේ කිලිනොච්චි දිස්ත්රික් ලේකම් කාර්යාලයේදී පැවැත්විණි. ධීවර, ජලජ හා සාගර සම්පත් අමාත්යවරයා මෙන්ම දිස්ත්රික් සම්බන්ධීකරණ කමිටු සභාපති ගරු ඉ. චන්ද්රසේකර මහතා සහ උතුරු පළාත් ගරු ආණ්ඩුකාර නා. වේදනායගන් මහතාගේ සම සභාපතිත්වයෙන් පැවති මෙම රැස්වීමේදී දිස්ත්රික්කයේ සංවර්ධන හා පරිපාලන ප්රගතිය සම්බන්ධයෙන් පුළුල් ලෙස සාකච්ඡා කරන ලදී.
රැස්වීම ආරම්භයේදී කිලිනොච්චි දිස්ත්රික් ලේකම් එස්. මුරලිදරන් මහතා පිළිගැනීමේ කතාව සිදු කළ අතර, අනතුරුව ආණ්ඩුකාරවරයා සම-සභාපති කතාව සිදු කළේය.
මෙම වසර සඳහා ක්රියාත්මක කිරීමට නියමිත සංවර්ධන ව්යාපෘති වැසි සමය ආරම්භ වීමට පෙර හැකිතාක් දුරට අවසන් කිරීම සඳහා සියලු පාර්ශ්වයන් එක්ව හා සම්බන්ධීකරණයෙන් කටයුතු කළ යුතු බව ආණ්ඩුකාරවරයා ඉල්ලා සිටියේය. මෙයට පසුව, සම-සභාපති අමාත්ය ඉ. චන්ද්රසේකර් මහතා දිස්ත්රික්කයේ ක්රියාත්මක වන සංවර්ධන කටයුතුවල ප්රගතිය අගය කළ අතර නිලධාරීන්ට තම ස්තූතිය ද පිරිනැමීය.
ඉන් අනතුරුව දිස්ත්රික් සම්බන්ධීකරණ කමිටුවේ අනුමැතිය සඳහා ඉදිරිපත් කරන ලද විවිධ ව්යාපෘති සම්බන්ධයෙන් සලකා බලන ලදී. පූනකරි ප්රාදේශීය ලේකම් කොට්ඨාසයට අයත් කෞතාරිමුනෙයි ප්රදේශයේ සංචාරක සංවර්ධනය සඳහා හඳුනාගෙන ඇති අක්කර 300ක භූමි ප්රමාණයෙන් පළමු අදියර යටතේ අක්කර 113ක් ආයෝජකයින් වෙත ලබාදීම සම්බන්ධයෙන් සලකා බලන ලදී. මේ සම්බන්ධයෙන් අදාළ ප්රාදේශීය ලේකම් කාර්යාලයේදී සියලු පාර්ශ්වයන් සමඟ සාකච්ඡාවක් පැවැත්වීමට කටයුතු සූදානම් කර ඇති බවද දැනුම් දෙන ලදී.
රේඛීය අමාත්යාංශයේ ක්රීඩා අංශය හරහා ක්රීඩා පිටි සංවර්ධනය කිරීම සඳහා වූ ව්යාපෘති මෙන්ම ‘වාරිමාර්ගයේ මහිමය – අපගේ උරුමය’ වැඩසටහන යටතේ කුඩා වැව් ප්රතිසංස්කරණය කිරීම සඳහා වූ ව්යාපෘති සඳහාද අනුමැතිය ලබා දෙන ලදී.
සීමා නිර්ණය සම්බන්ධයෙන්, ඇතැම් ග්රාම නිලධාරී වසම් ඒකාබද්ධ කිරීම සඳහා සීමා නිර්ණය කොමිෂන් සභාව විසින් ඉදිරිපත් කරන ලද නිර්දේශ ප්රාදේශීය සම්බන්ධීකරණ කමිටුවේදී ප්රතික්ෂේප කර තිබීම සම්බන්ධයෙන්ද අවධානය යොමු විය. මේ සම්බන්ධයෙන් දිස්ත්රික් සම්බන්ධීකරණ කමිටුවේදීද ප්රාදේශීය සම්බන්ධීකරණ කමිටුව විසින් ගනු ලැබූ තීරණයම සැලකිල්ලට ගැනීමට එකඟතාවකට පැමිණෙන ලදී.
ගොවිජන සංවර්ධන දෙපාර්තමේන්තුවේ වාර්ෂික සංවර්ධන කටයුතු සඳහාද, ග්රාමීය මාර්ග සංවර්ධන ව්යාපෘතිය – 3 සඳහාද අනුමැතිය ලබා දෙන ලදී.
ප්රවාහන අමාත්යාංශය විසින් අනතුරු සිදුවීමේ අවදානම පවතින ස්ථානවල ආරක්ෂක පියවර ගැනීම සඳහා වෙන් කර ඇති ප්රතිපාදන යටතේ, කිලිනොච්චි ඩිපෝ මංසන්ධියේ සිට පරන්තන් මංසන්ධිය දක්වා වූ A-9 මාර්ගයේ නිරීක්ෂණ කැමරා සවි කිරීම ඇතුළු විවිධ යෝජනා සඳහාද අනුමැතිය ලබා දෙන ලදී.
තවද, කල්මඩුවේ පිහිටි චේරන් සහල් මෝල පූර්ණ ධාරිතාවයෙන් ක්රියාත්මක කිරීම සඳහා සුදුසු ආයෝජකයෙකු වෙත පවරාදීම සම්බන්ධයෙන්ද, කිලිනොච්චි ප්රදේශයේ ආයෝජකයෙකු විසින් ආහාර නිෂ්පාදන කර්මාන්ත ශාලාවක් ස්ථාපිත කිරීම සඳහා ඉල්ලා ඇති ඉඩම ලබාදීම සම්බන්ධයෙන්ද සාධනීය තීරණ ගන්නා ලදී.
මෙම රැස්වීම සඳහා විශේෂයෙන් ඉඩම් ප්රතිසංස්කරණ කොමිෂන් සභාවේ සභාපතිවරයාද කැඳවා තිබිණි. පච්චිලයිපල්ලි සහ පූනකරි ප්රාදේශීය ලේකම් කොට්ඨාසවල ඉඩම් ප්රතිසංස්කරණ කොමිෂන් සභාවට අයත් ඉඩම් සම්බන්ධයෙන් පවතින ගැටලු විසඳීම සඳහා ගත යුතු ක්රියාමාර්ග පිළිබඳව සාකච්ඡා කරන ලදී. විශේෂයෙන්ම, පසුගිය යුදමය තත්ත්වය සැලකිල්ලට ගනිමින් අදාළ ඉඩම්වල දීර්ඝ කාලයක් පදිංචිව සිටින ජනතාවට නිසි ලේඛන ලබාදීමේ ක්රියාපටිපාටිය සම්බන්ධයෙන්ද, නිසි අවසරයකින් තොරව ඉඩම් ලබා දී ඇති බවට සඳහන් වන අවස්ථා නැවත සමාලෝචනය කිරීම සම්බන්ධයෙන්ද තීරණ ගන්නා ලදී.
ඉන් අනතුරුව දිස්ත්රික්කය තුළ ක්රියාත්මක වෙමින් පවතින වැඩසටහන්වල ප්රගතිය අංශ අනුව නැවත සමාලෝචනය කරන ලදී. මාර්ග සංවර්ධනය, සමාජ බලගැන්වීමේ වැඩසටහන, විමධ්යගත අයවැය ප්රතිපාදන, ඩිට්වා ආපදාවෙන් පසු සිදුකරන ප්රතිසංස්කරණ කටයුතු, වන්නේරික්කුලම් සංචාරක සංවර්ධනය සහ ඉඩම් ලේඛන ලබාදීම ඇතුළු විවිධ අංශවල ප්රගතිය මෙහිදී සමාලෝචනය කරන ලදී.
උතුරු පළාතේ ජනතාවගේ ඉදිකිරීම් අවශ්යතා සඳහා වැලි සැපයීම සම්බන්ධයෙන්ද සාකච්ඡා කරන ලදී. වැලි සැපයීම සඳහා අවශ්ය අවසර ලබාදීමේ ක්රියාවලියේදී අනවශ්ය ප්රමාදයන් ඇති නොවන පරිදි කටයුතු කිරීම සඳහා ගත යුතු ක්රියාමාර්ග පිළිබඳව අවධානය යොමු කරන ලදී.
වන සංරක්ෂණ දෙපාර්තමේන්තුවේ කටයුතු සම්බන්ධයෙන්ද පුළුල් ලෙස සාකච්ඡා කරන ලදී. විශේෂයෙන්ම, තෘණභූමි සඳහා ඉදිරිපත් කරන ඉල්ලීම්වලට සාධනීය ප්රතිචාරයක් නොලැබීම සහ වැව් ප්රතිසංස්කරණ කටයුතුවලදී වන සංරක්ෂණ දෙපාර්තමේන්තුව සම්බන්ධයෙන් මතුවන බාධා පිළිබඳව සාකච්ඡා විය. මෙම කරුණු සම්බන්ධයෙන් අදාළ අමාත්යවරයා සහ වන සංරක්ෂණ දෙපාර්තමේන්තුවේ අධ්යක්ෂ ජනරාල්වරයා කැඳවා ක්ෂේත්ර චාරිකාවක් සිදුකර තත්ත්වය සෘජුවම පෙන්වා දීමට අවශ්ය කටයුතු සිදුකරමින් පවතින බව අමාත්ය ඉ. චන්ද්රසේකර මහතා පැවසීය.
පළාත් දෙපාර්තමේන්තු විසින් කිලිනොච්චි දිස්ත්රික්කයේ ක්රියාත්මක කරනු ලබන ව්යාපෘතිවල ප්රගතියද මෙහිදී නැවත සමාලෝචනය කරන ලදී. අධ්යාපන ප්රතිසංස්කරණ ක්රියාවලිය යටතේ කිලිනොච්චියේ සිදුකර ඇති ක්රියාමාර්ග සහ ග්රාමීය සෞඛ්ය සේවාවන් ශක්තිමත් කිරීම ඇතුළු කරුණු සම්බන්ධයෙන්ද අවධානය යොමු කරන ලදී.
කිලිනොච්චි දිස්ත්රික් මහ රෝහල් පරිශ්රයේ පිහිටි උතුරු පළාතේ කාන්තා විශේෂිත රෝහල සඳහා වූ උපකරණ වෙනත් දිස්ත්රික්ක වෙත මාරු කිරීමට නියමිත බවට පළව ඇති තොරතුරුවලට කිසිදු ආකාරයකින් ඉඩ නොදෙන බව අමාත්ය ඉ. චන්ද්රසේකර මහතා සහ ආණ්ඩුකාර නා. වේදනායගන් මහතා ඒකාබද්ධව ප්රකාශ කළහ.
ප්රාදේශීය සභාවල ගරු සභාපතිවරුන් විසින් පාසල් සඳහා මාසිකව ලබාදෙන විදුලි ගාස්තු වෙන්කිරීම ප්රමාණවත් නොවන බව පෙන්වා දුන් අවස්ථාවේදී, පාසල්වල වර්තමාන අවශ්යතා සැලකිල්ලට ගනිමින් ලබන වසරේ සිට එම වෙන්කිරීම වැඩි කිරීම සම්බන්ධයෙන් සාධනීය පියවර ගන්නා බව ආණ්ඩුකාරවරයා ප්රකාශ කළේය.
පැවැති දිස්ත්රික් සම්බන්ධීකරණ කමිටු රැස්වීම සඳහා ගරු පාර්ලිමේන්තු මන්ත්රී ක. ඉලංගුමරන්, පළාත් අමාත්යාංශවල ලේකම්වරුන්, නියෝජ්ය ප්රධාන ලේකම් – ක්රමසම්පාදන, පළාත් අධ්යක්ෂවරුන්, දිස්ත්රික් හා ප්රාදේශීය මට්ටමේ රාජ්ය නිලධාරීන්, පොලිසිය, ත්රිවිධ හමුදාව, පොදු සංවිධානවල නියෝජිතයින් ඇතුළු විශාල පිරිසක් සහභාගී වූහ.
